PSG MBIONI KUNUNUA HISA KATIKA TIMU YA BECKHAM.

WAMILIKI wa klabu ya Paris Saint-Germain-PSG wako katika mazungumzo ya kutaka kununua hisa katika timu inayotaka kuanzishwa na David Beckham itakayoshiriki Ligi Kuu ya Soka ya Marekani-MLS. Timu hiyo itakayoitwa Miami beckham United-MBU imekuwa ikitafuta wadau wa kushirkiana nao kiuchumi kwa muda mrefu. Vyanzo vya ndani vinadai kuwa maombi hayo ya wamiliki wa PSG ambao ni Qatar Sports Investment ni moja kati ya maombi mengi yaliyotolewa na kampuni mbalimbali. Beckham ambaye amewahi kuwa nahodha wa kikosi cha timu ya taifa ya Uingereza alistaafu rasmi soka akiwa PSG msimu wa 2012-2013.