RASMI: PEP GUARDIOLA KUCHUKUA NAFASI YA PELLEGRINI MAN CITY.

KLABU ya Manchester City imetangaza rasmi kuwa Pep Guardiola amekubali mkataba wa miaka mitatu wa kuinoa timu hiyo kuanzia majira ya kiangazi. Meneja huyo mwenye umri wa miaka 45, kwasasa anainoa Bayern Munich anatarajiwa kuchukua nafasi ya Manuel Pellegrini ambaye ataondoka Juni 30 mwaka huu. Katika taarifa ya City iliyotolewa leo imedai kuwa Pellegrini mwenye umri wa miaka 62 raia wa Chile ameunga mkono tangazo hilo kutolewa. Klabu hiyo imedai kuwa mazungumzo na kocha huyo wa zamani wa Barcelona yalianza upya baada ya kushindikana mwaka 2012.