RONALDO AKASIRIKA BAADA YA KUHOJIWA KUHUSU KIWANGO CHAKE.

MSHAMBULIAJI nyota wa Real Madrid, Cristiano Ronaldo ameondoka kabla ya wakati katika mkutano na wanahabari baada ya kupinga swali lililokuwa likihoji uwezo wa kufunga mabao katika mechi za ugenini. Madrid inatarajiwa kuwa ugenini kuchuana na AS Roma baadae leo katika mchezo wa Ligi ya Mabingwa Ulaya hatua ya mtoano. Katika mkutano huo, Ronaldo raia wa Ureno alijibu maswali kadhaa kutoka katika vyombo vya habari ikiwemo kwanini hana urafiki wa karibu na wachezaji wenzake lakini alionekana kuchukizwa na wakati alipoulizwa kwanini hajafunga bao nje ya Santiago Bernabeu toka Novemba mwaka jana. Akijibu swali hilo Ronaldo alimtaka mwandishi kumwambia toka amekuja Hispani ni mchezaji gani ambaye amefunga mabao mengi ugenini kuliko yeye na alipokosa jibu aliamua kunyanyuka na kuchukua koti lake kisha kuondoka huku akiwaacha wanahabri hao wakimkodolea macho.