TULIKOSA BAHATI - VAN GAAL.

MENEJA wa Manchester United Louis van Gaal amesema kipigo cha mabao 2-1 walichopata kutoka kwa FC Midtjylland ya Denmark ni bahati mbaya. Katika mchezo huo wa mkondo wa kwanza wa michuano ya Europa League United ndio waliotangulia kuongoza kwa bao lililofungwa na Memphis Depay lakini wenyeji hao walifanikiwa kusawazisha kupitia kwa Pione Sisto huku Paul Onuachu akifunga lile la ushindi. Akihojiwa Van Gaal amesema kipindi cha kwanza kikosi chake kilicheza vyema kwa kutengeneza nafasi kadhaa ambazo nyingi kati ya hizo hazikutumiwa ipasavyo jambo mbalo anadhani ndio lililowagharimu katika mchezo huo. Meneja huyo aliendelea kudai kuwa kipidi cha pili kidogo walionekana kucheza chini ya kiwango lakini walikuwa wana uwezo wa kufunga.