WENGER AKIRI KUZUIA UHAMISHO WA DEBUCHY KWENDA MAN UNITED.

MENEJA wa Arsenal, Arsene Wenger amekiri leo kuwa aliizuia Manchester United kumsajili Mathieu Debuchy katika kipindi cha usajili wa dirisha dogo mwezi uliopita. Beki huyo ambaye alikuwa akitaka kupewa muda zaidi wa kucheza ili aweze kujiweka katika nafasi nzuri ya kuitwa katika kikosi cha Ufaransa katika michuano ya Euro 2016, hivi karibuni alitoa kauli ya kuchukizwa na vitendo alivyofanyiwa na klabu hiyo. Akihojiwa kuhusiana na hilo Wenger alikiri ni kweli alizuia uhamisho huo lakini ilikuwa katika hali ya kujihami kwani huwezi kumpa silaha adui yako ili akumalize. Kufuatia uhamisho wake United kukwama Debuchy alikubali kwenda kwa mkopo katika klabu ya Bordeaux ya Ufaransa.