AJAX YAMPIGA CHINI DE BOER.

KLABU ya Ajax Amsterdam imetangaza kuwa meneja wao Frank de Boer ameondoka baada ya kukubali kusitishwa mapema kwa mkataba wake Amsterdam Arena. Meneja huyo ameiongoza Ajax kwa kipindi cha miaka mitano na nusu baada y kuchukua mikoba kutoka kwa Martin Jol Desemba mwaka 2010. De Boer ameiwezeza Ajax kutwaa taji la ligi kw mara nne mfululizo toka achukue mikoba ya kuinoa lakini katika misimu miwili iliyopita amekuwa akipoteza mbele ya PSV Eindihoven. Msimu huu umekuwa wa maumivu kwa Ajax kwani walikuwa wakiongoza ligi mpaka wiki iliyopita ambapo sare ya bao 1-1 dhidi ya De Graafschap ilipowazawadia PSV ubingwa. Akihojiwa De Boer ambaye mkataba wake ulikuwa umalizike Julai mwka 2017 amesema anadhani ni wakati wa kupisha wengine ili yeye pia aweze kuangalia changamoto zingine.