IBRAHIMOVIC ATHIBITISHA KUONDOKA PSG.

MSHAMBULIAJI wa Paris Saint-Germain-PSG, Zlatan Ibrahimovic amethibitisha kuwa ataondoka katika klabu hiyo pindi msimu utakapomalizika. Ibrahimovic aliuambia mtandao wa Goal kuwa mapema wiki hii kuwa bado hajafanya uamuzi wa mustakabali wake lakini amethibitisha tayari yuko katika mzungumzo na vilabu vingine. Nyota huyo wa kimataifa wa Sweden mwenye umri wa miaka 34 aliandika katika ukurasa wake wa mtandao wa kijamii wa facebook akidai kuwa mchezo wa Ligue 1 dhidi ya Nantes ndio utakuwa wa mwisho kwake katika Uwanja wa Parc des Princes. Ibrahimovic aliongeza katika ukurasa wake kuwa aliingia PSG akiwa mfalme na sasa anaondoka kama nguli. Ibrahimovic ambaye ametajwa na jarida la Forbes wiki hii kama mchezaji soka wa tatu anayevuna fedha nyingi zaidi duniani amekuitumikia PSG toka mwaka 2012 na mwaka huu walifanikiwa taji la nne mfululizo la Ligue 1.