UBINGWA KUWAPA LEICESTER ZAIDI YA PAUNDI 150.

KLABU ya Leicester City inadaiwa kuwa itazoa paundi milioni 150 kufuatia kufanikiwa kutwaa taji la Ligi Kuu Uingereza msimu huu jana. Pesa hizo zinadaiwa zitatokana na fedha ya ushindi wa taji hilo, pesa za kushiriki michuano ya Ligi ya Mabingwa Ulaya na ongezeko la mapato ya kila siku kutokana na mauzo ya tiketi. Klabu hiyo pia itajivunia kupanda kwa thamani yao katika udhamini na pia ongezeko la mashabiki duniani kote. Klabu hiyo inayotoka East Midlands itashiriki katika Ligi ya Mabingwa Ulaya msimu ujao jambo litakalowawezesha kutazamwa na watu wengi zaidi kwenye runinga Ulaya na kote duniani.