HAMILTON ATOA USHINDI WAKE KWA MUHAMMAD ALI.

DEREVA mahiri wa mashindano ya langalanga, Lewis Hamilton ameutoa ushindi wa mbio za Grand Prix za Canada kwa hayati Muhammad Ali, ambaye alifariki dunia hivi karibuni akiwa na umri wa miaka 74. Hamilton raia wa Uingereza, alitoa nukuu iliyokuwa ikipendwa kutumiwa na bondia huyo nguli wa uzito wa juu ambayo ni ruka kama kipepeo, uma kama nyuki (Float like a butterfly, sting like a bee), wakati alipomaliza mbio hizo. 

Akihojiwa Hamilton amesema Ali ni mtu ambaye amekuwa akimhusudu sana ndio maana anapenda kuutoa ushindi wake huo kwake na familia yake. Ushindi huo wa jana sasa umemfanya Hamilton kupunguza pengo la alama na kubaki tisa dhidi ya dereva mwenzake wa Mercedes Nico Rosberg ambaye alishika nafasi ya tano katika mbio hizo.