JUVENTUS YAMNASA RASMI PJANIC.

KLABU ya Juventus, imekamilisha usajili wa Miralem Pjanic kutoka AS Roma kwa kitita cha euro milioni 32. Pjanic mwenye umri wa miaka 26, aliifahamisha Roma mwishoni mwa wiki iliyopita nia yake ya kuondoka na kuamua kulipa asilimia 20 ya ada yake huku iliyobakia ikilipwa na Juventus. Nyota huyo wa kimataifa wa Bosnia na Herzegovina aliwasili jijini Turin Jumapili iliyopita kwa ajili ya vipimo vya afya huku Juventus wakithibitisha kumnasa Jumatatu jioni. Pjanic ambaye anakuwa mchezaji a kwanza kusajiliwa na Juventus kiangazi hiki, amesaini mkataba wa miaka mitano.