RATIBA YA LIGI KUU MSIMU UJAO: ARSENAL KUANZA NA LIVERPOOL, LEICESTER VS HULL CITY.

KLABU ya Arsenal inatarajiwa kuanza msimu mpya wa Ligi Kuu 2016-2017 kwa kukwaana na Liverpool katika ratiba mpya ya msimu iliyotangazwa. Arsenal wataanza msimu kwa ugumu kwani baada ya kuwakaribisha Liverpool Agosti 13, pia anakabiliwa na safari ya kwenda kuvaana na mabingwa watetezi Leicester City wiki moja baadae. Kwingineko, Jose Mourinho yeye ataanza maisha yake mapya akiwa meneja wa Manchester United kwa kwenda kucheza ugenini na Bournemouth wakati Manchester City wakiwa wenyeji wa Sunderland na Chelsea wakichuana na West Ham United wakati Pep Guardiola na Antonio Conte wakianza vibarua vya vipya. Mabingwa watetezi Leicester wao wataanza mchezo wa ufunguzi dhidi ya Hull City wakati Tottenham Hotspurs wao wakiwavaa Everton na kocha wao mpya Ronald Koeman.