BARCELONA YANASA KITASA KINGINE KUTOKA PSG.

KLABU ya Barcelona imekamilisha kumsajili beki wa Paris Saint-Germain-PSG, Lucas Digne baada ya nyota huyo mwenye umri wa miaka 22 kukubalia mkataba wa miaka mitano Camp Nou. Digne anajiunga na Barcelona kwa kitita cha euro milioni 16.5 ambacho kinaweza kuongezeka mpaka kufikia euro milioni 20.5 kutokana na mafanikio atakayopata akiwa hapo. Beki huyo aakuwa mchezaji wa pili mpya kusajiliwa na Barcelona kutoka Ligue 1 baada ya Samuel Umtiti kukamilisha usajili wake wa euro milioni 25 kutoka Lyon jana. Digne aliibukia katika shule ya soka ya Lille na kufanikiwa kuichezea timu hiyo mechi 60 za mashindano yote kabla ya kwenda PSG mwaka 2013 kwa kitita cha euro milioni 15.