KLOPP AMWAMBIA BALOTELLI ATAFUTE TIMU NYINGINE.

MENEJA wa Liverpool, Jurgen Klopp amemwambia Mario Balotelli kutafuta klabu mpya ya kuichezea msimu ujao. Nyota huyo wa kimataifa wa Italia, mwenye umri wa miaka 25, alikuwa kwa mkopo msimu uliopita katika klabu ya AC Milan lakini sasa amerejea Liverpool kwa ajili ya maandalizi ya msimu mpya. Mshambuliaji huyo wa zamani wa Manchester City amefunga mabao manne pekee kwa Liverpool toka ajiunge nao mwaka 2014. Akihojiwa Klopp amesema Balotelli hayupo katika hatua ya maisha yake ya soka ya kugombania na wachezaji wanne au watano katika nafasi moja au mbili. Klopp amesema ni wazi kabisa wanahitaji suluhisho lingine na kuna klabu zingine zitafurahia kuwa na Balotelli katika kikosi chao.