EURO 2016: GRIEZMANN AKATAA KUFANANISHW ANA PLATINI PAMOJA NA KUONGOZA KWA MABAO.

MSHAMBULIAJI nyota wa kimataifa wa Ufaransa, Antonie Griezmann amepuuzia taarifa za kufananishwa nguli wa soka wa nchi hiyo Michel Platini baada ya mabao yake mawili kuwavusha hatua ya fainali ya michuano ya Ulaya jana. Mabao hayo aliyofunga katika ushindi wa mabao 2-0 waliopata dhidi ya Ujerumani katika hatua ya nusu fainali yanamfanya kuongoza orodha ya wafungaji katika michuano hiyo akiwa mabao sita, matatu nyuma kufikia rekodi ya mabao tisa iliyowahi kuwekwa na Platini. Akihojiwa Griezmann amesema amefurahi kuwa na idadi hiyo ya mabao lakini anadhani bado ana safari ndefu kuja kumfikia Platini. Platini alifunga mabao tisa katika michuano ya mwaka 1984 ambapo Ufaransa ilitwaa ubingwa katika ardhi yao ya nyumbani.