POGBA ADAI ANGEPENDA KUUDI MAN UNITED.

KLABU ya Manchester United inaweza kuwa imepata nguvu zaidi katika mbio zao za kumuwania Paul Pogba baada ya nyota huyo kudaiwa kuiambia familia yake anatamani kujiunga tena na timu hiyo. United imekuwa moja ya timu zinazoongoza mbio za kumuwania kiungo huyo kutoka Juventus kipindi hiki cha kiangazi sambamba na Real Madrid. Pamoja na taarifa za vyombo vya habari kutoa nafasi kwa Pogba kwenda Madrid, lakini kuna taarifa mpya zinazodai kuwa ameiambia familia yake kuwa angependa kurejea United. Kama wakifanikiwa kumnasa Pogba utakuwa ni usajili wa tatu kwa United baada ya kuwa tayari wamewachukua Zlatan Ibrahimovic na Henrikh Mkhitaryan.