EURO 2016: GRIEZMANN NDIO MCHEZAJI BORA WA MASHINDANO.

MSHAMBULIAJI nyota wa kimataifa wa Ufaransa, Antonie Griezmann ameteuliwa kuwa mchezaji bora wa mashindano katika michuano ya Ulaya iliyomalizika jana jijini Paris. Nyota amemaliza akiwa amefunga mabao sita na kuwa mfungaji bora wa michuano hiyo akiwapiku nyota wengine kama Cristiano Ronaldo na Dimitri Payet. Shirikisho la Soka la Ulaya-UEFA lilitangaza kuwa nyota huyo mwenye umri wa miaka 25 ndio mshindi aliyechaguliwa kutoka katika jopo la wachambuzi 13 wa ufundi ambalo linawajumuisha pia Sir Alex Ferguson na David Moyes. Griezmann ambaye alisaini mkataba wa muda mrefu na Atletico Madrid Juni mwaka huu, pia ametajwa katika kikosi bora cha mashindano hayo. Kiungo mahiri wa kimataifa wa Ureno Renato Sanchez yeye aliteuliwa kuwa mchezaji chipukizi wa mashindano hayo.