GUARDIOLA ATAMBULISHWA RASMI MAN CITY.

MENEJA mpya wa Manchester City, Pep Guardiola ameondoa uwezekano wa kuweza kumsajili nyota wa Barcelona Lionel Messi wakati akitambulishwa rasmi mbele ya mashabiki wa klabu hiyo. Meneja huyo wa zamani wa Barcelona na Bayern Munich alitambulishwa rasmi jana ambapo pia alipata wa saa wa kujibu maswali moja kwa moja kutoka kwa mashabiki. Wakati Guardiola mwenye umri wa miaka 45 akijibu baadhi ya maswali shabiki mmoja alijitokeza na kuuliza kama ana mipango yeyote ya kumsajili nyota huyo wa kimataifa wa Argentina. Guardiola alitabasamu kwanza kabla ya kumuoleza shabiki huyo kuwa Messi sio mchezaji mbaya lakini anasikitika kwamba hayuko katika mipango yake kwani atabakia Barcelona mpaka atakapomaliza soka lake. Meneja huyo aliwataka mashabiki hao kumpa muda kwani bado hajawafahamu vyema wachezaji katika kikosi chake lakini atajitahidi kadri awezavyo kuhakikisha anazoea mazingira mapema kadri iwezekanavyo.