MOURINHO ATAKA MABADILIKO ZAIDI UNITED.

MENEJA wa Manchester United, Jose Mourinho amedokeza kuwa kikosi chake kinaweza kuwa na mabadiliko zaidi kabla ya kumaliza kwa usajili wa majira ya ya kiangazi. Mourinho ameshawasajili Zlatan Ibrahimovic, Henrikh Mkhitaryan na Eric Bailly mpaka sasa kipindi hiki. Lakini meneja huyo wa zamani wa Chelsea alidai katika mkutano wake wa kwanza wa wanahabari akiwa United kuwa yeye pamoja na klabu waetoa vipaumbele katika nafasi kadhaa ili kuleta uwiano katika kikosi chake. Wachezaji pekee wa kikosi cha kwanza waliondoka Old Trafford toka msimu ulipomalizika ni Victor Valdes na Nick Powell ambao wote wameachwa baada ya mikataba yao kumalizika. Lakini wakati akiongeza na wanahabari na mashabiki waliojitokeza kumlaki, Mourinho alidokeza kuwa kuna wachezaji wengine zaidi wanaweza kuondoka ili kuanza upya kukijenga kikosi cha timu hiyo.