JUVENTUS YAJIPANGA KUMUONGEZA POGBA MKATABA.

WAKALA wa Paul Pogba, Mino Raiola amesema Juventus inataka kumuongeza mkataba mpya kiungo huyo na kuwa mwenyewe anafurahia kubakia jijini Turin, hivyo kutuliza tetesi zinazozagaa kuwa anakaribia kusajiliwa tena na Manchester United. Taaria zinadai kuwa United inajipanga kutaka kuzungumza na Pogba kujaribu kumshawishi kujiunga nao huku wakiwa na matumaini baada ya taarifa kuwa mahasimu wao wakubwa katika mbio hizo Real Madrid wamejitoa kumuwania kiungo huyo. Hata hivyo, taarifa kutoka nchini Italia zinadai kuwa suala hilo linaweza lisitokee kwani Juventus wanajitahidi kufanya kila wawezalo kumbakisha. Raiola amesema anafahamu kuwa kuna mijadala mingi kuhusu mustakabali wa Pogba lakini kuna uwezekano asiondoke Juventus kwani bado wanamuhitaji.