WEST HAM WATAKA PAUNDI MILIONI 50 KWA TIMU ITAKAYOHITAJI HUDUMA YA PAYET.

MMILIKI mwenza wa West Ham United, David Gold amedai kuwa hadhani kama Dimitry Payet ataweza kuondoka kipindi hiki cha kiangazi kwa ada ya chini ya paundi milioni 50. Payet aliifungiwa Ufaransa mabao matatu katika michuano ya Ulaya iliyomalizika Jumapili iliyopita na kuajwa kuwa mmoja wa wachezaji katika kikosi bora cha mashindano. Na baada ya kufunga mabao 12 katika mashindano yote akiwa na West Ham msimu uliopita, nyota huyo mwenye umri wa miaka 29 ameripotiwa kuzivutia klabu kama Real Madrid. Akihojiwa Golg amesema klabu kubwa huwa zinawatafuta wachezaji wenye uwezo kama wa Payet ndio maana wameamua kuwa hawatosikiliza ofa yeyote itakayokuwa chini ya paundi milioni 50. Gold aliendelea kudai kuwa pamoja na hayo bado wana nia ya kuendelea kuwabakisha wachezaji wake nyota.