SPURS YANASA NYOTA WA UHOLANZI.

KLABU ya Tottenham Hotspurs imethibitisha kumsajili rasmi nyota wa kimataifa wa Uholanzi, Vincent Janssen kwa mkataba wa miaka minne. Spurs kwa kipindi kirefu wamekuwa wakimuwania mshambuliaji huyo mwenye umri wa miaka 22, ambaye ameongoza orodha ya wafungaji katika Ligi Kuu ya Uholanzi msimu uliopita akiwa na AZ Alkmaar. Taarifa zinadai kuwa Spurs wamelipa kitita cha paundi milioni 18.8 ili kunasa saini ya Janssen, na mshambuliaji huyo anatarajiwa kutoa msaada kwa Harry Kane katika kikosi cha Mauricio Pochettinho msimu ujao. Akihojiwa Janssen amekiri kufurahishwa kukamilika kwa usajili huo kwani ni hatua kubwa katika maisha yake ya soka.