MWINGEREZA CLATTENBURG KUCHEZESHA FAINALI EURO 2016.

SHIRIKISHO la Soka la Ulaya-UEFA limemtangaza Mark Clattenburg kuwa mwamuzi wa mchezo wa fainali ya michuano ya Ulaya ambao utawakutanisha wenyeji Ufaransa dhidi ya Ureno Jumapili hii. Mwamuzi huyo wa Uingereza anakuwa mwamuzi wa pili kuchezesha fainali ya Ligi ya Mabingwa Ulaya na michuao ya Ulaya katika msimu mmoja baada ya Mreno Pedro Proenca kufanya hivyo mwaka 2012. Clattenburg ndio alikuwa mwamuzi katika fainali ya michuano ya Ligi ya Mabingwa Ulaya iliyofanyika kule San Siro ambapo Real Madrid waliibuka kidedea cha ngamoto ya mikwaju ya penati dhidi ya Atletico Madrid Mei mwaka huu. Mwamuzi huyo pia ndio aliyechezea fainali ya Kombe la FA kati ya Manchester United na Crystal Palace msimu huu.