PSG YAZIDI KUJIIMARISHA, YANASA NYOTA WA POLAND NA UGELGIJI.

KLABU ya Paris Saint-Germain-PSG imewasajili kiungo wa Poland Grzegorz Krychowiak na beki wa Ubelgiji Thomas Meunier kwa ada ambayo haikuweka wazi baada ya timu zao kutolewa katika michuano ya Ulaya. Krychowiak mwenye umri wa miaka 26, amejiunga akitokea Sevilla ambako alikuwa chini meneja mpya wa PSG Unai Emery kwa misimu miwili iliyopita. Nyota huyo wa zamani wa Reims ambaye ameonyesha kiwnago kikubwa katika michuano ya Ulaya amesaini mkataba wa miaka mitano na mabingwa hao wa Ufaransa. Meunier mwenye umri wa miaka 24 ambaye ni beki wa kulia yeye amesajili kwa mkataba wa miaka minne akitokea Club Brugge. Huo unakuwa usajili wa pili na tatu kufanywa na PSG baada ya kuwa tayari wamemnasa winga wa Nice Hatem Ben Arfa.