WENGER ATAKA PEREZ APEWE MUDA.

MENEJA wa Arsenal, Arsene Wenger amesisitiza kuwa mshambuliaji Lucas Perez lazima apewe muda ili aweze kuzoea mazingira ya Ligi Kuu. Nyota huyo wa kimataifa wa Hispania, aliyesajiliwa kwa kitita cha paundi milioni 17.1 kutoka Deportivo La Coruna, alicheza mechi yake ya kwanza kwa Arsenal katika ushindi wa mabao 2-1 waliopata kutoka kwa Southampton juzi. Perez alitoa mchango mkubwa katika bao maridadi lililofungwa na Laurent Koscielny, lakini Wenger anaamini mshambuliaji huyo mwenye umri wa miaka 28 anapswa kupewa muda. Akihojiwa Wenger amesema wamekuwa wakifunga mabao toka kuanza kwa msimu lakini wamenunua mshambuliaji mmoja mpya, hivyo jambo muhimu ni kumpa muda wa kuzoea mazingira.