NAHODHA WA BREMEN AMPIGIA CHAPUO MERTESACKER.

NAHODHA wa Werder Bremen Clemens Fritz ameelezea uwezekano wa beki wa Arsenal Per Mertesacker kurejea katika klabu hiyo ya Bundesliga. Akihojiwa Fritz amesema kama Mertesacker akirejea itakuwa ni jambo zuri kwake na kwa klabu pia. Mertesacker mwenye umri wa miaka 32, ameingia katika msimu wa mwisho wa mkataba wake Emirates na kwasasa yuko nje ya uwanja akijiuguza majeruhi ya goti aliyopata wakati wa maandalizi ya msimu huu. Wiki iliyopita nahodha huyo wa Arsenal alidai kuwa yuko tayari kurejea Ujerumani kama klabu hiyo ikiamua kutomuongeza tena mkataba.