BARCELONA KUIKATIA RUFANI KADI YA NJANO YA MESSI.

KLABU ya Barcelona imetangaza kuwa wataikatia rufani kadi ya njano aliyopewa Lionel Messi katika mchezo wao walioshinda mabao 2-1 dhidi ya Sevilla Jumapili iliyopita. Nyota huyo wa kimataifa wa Argentina alipewa kadi hiyo katika kipindi cha pili cha mchezo huo wa La Liga kwa kosa la kuchelewesha muda wakati akijadili kuva tena kiatu chake baada ya kukwatuliwa na Steven N’Zonzi wa Sevilla. Tukio hilo limeonyesha kutowafurahisha Barcelona hivyo wameamua kuikatia rufani kadi hiyo kwani wanaamini Messi hakuwa na nia ya kupoteza muda kama mwamuzi alivyodhani. Meneja wa Barcelona, Luis Enrique alifafanua baada ya mchezo huo kuwa kamba za viatu vya Messi zilikatika baada ya kufanyiwa madhambi ndio maana alishindwa kuvaa viatu vyake haraka.