FIFA KUTANGAZA VIWANJA VYA KOMBE LA DUNIA.

SHIRIKISHO la Soka la Dunia-FIFA leo linatarajiwa kutangaza ni miji ipi nchini Brazil itachezwa mechi za Kombe la Dunia 2014 ikiwemo mchezo wa ufunguzi na fainali.

　

Uwanja wa Maracana uliopo katika jiji la Rio de Janeiro ndio unaoonekana utachezewa fainali, kwani mpaka sasa vyote vya habari vya kimataifa vimeteua jiji hilo kuwa kambi yao wakati wa mashindano hayo.

　

Hata hivyo bado kumekuwepo mvutano mkubwa juu ya mji gani utakaotumika katika mchezo wa ufunguzi kwani miji mingi imekuwa katika kinyang'anyiro hicho toka Brazil ilipopata nafasi ya kuandaa michuano inayochezwa kila baada ya miaka minne.

　

Jiji la Sao Paulo ndilo linaonekana linaweza kupata nafasi hilo pamoja kuchelewa kujengwa kwa Uwanja wake mpya wa Itaquerao, wakati Fortaleza naBrasilia nao wanainyatia nafasi hiyo.