ARSENAL KUMUONGEZA MKATABA VAN PERSIE MWISHONI MWA MSIMU.

MWENYEKITI wa klabu ya Arsenal Peter Hill-Wood amesema klabu hiyo haina papara ya kumsainisha mkataba mpya mshambuliaji wake Robin van Persie.
Mshambuliaji huyo wa kimataifa kutoka Uholanzi mkataba wake wa sasa unaishia mwishoni mwa msimu huu na amekuwa katika kiwango cha juu zaidi msimu huu akiwa amefunga mabao 17 katika michezo 20 aliyocheza. Hill-Wood amesema kuwa mchezaji huyo kwasasa hataki kuongelea maswala ya mkataba mpya na wao hawataki kumsumbua kwasasa labda mpaka mwishoni mwa msimu. Aliendelea kusema wanaamini mchezaji huyo atasaini mkataba mpya kwani haoni sababu ya kutokufanya hivyo kwakuwa anafurahia kuwepo katika klabu hiyo. Mchezaji huyo amejiunga na klabu hiyo yenye maskani yake jijini mwaka 2004 akitokea klabu ya Faynood ya nchini kwao na toka kipindi hicho amekuwa mmoja wa washambuliaji wanategemewa katika klabu pamoja na majeruhi ya mara kwa mara yaliyokuwa yakimkabili.