STARS YAFANYA KWELI CHAD.

TIMU ya taifa ya Tanzania-Taifa Stars imeifunga Chad kwa mabao 2-1 katika mchezo wa kwanza wa timu hizo wa kutafuta nafasi ya kuingia katika hatua ya makundi ya kutafuta tiketi ya kucheza michuano ya Kombe la Dunia itakayofanyika Brazil 2014. Katika mchezo huo Stars walijipatia bao la kwanza kupitia kwa mshambuliaji wake Mrisho Ngassa na kuzifanya timu hizo kwenda mapumziko zikiwa zimetoshana nguvu kwa kufunga bao 1-1. Kipindi cha pili kilianza kwa kasi huku timu zote zikishambuliana kwa zamu lakini ni Stars ndio walitoka kifua mbele baada ya kiungo wake Nurdin Bakari kuipatia timu hiyo bao la pili. Stars sasa wamejiweka katika nafasi nzuri ya kusonga mbele ambapo mchezo wa marudiano baina ya timu hizo utachezwa katika Uwanja wa Taifa, Dar es Salaam Novemba 15 mwaka huu.