KIKOSI CHA POULSEN KITACHOIKABILI CHAD KESHO.

Abdi Kassim-Babi

Kocha Jan Poulsen ametaja kikosi kitakachoanza kuikabili Chad kesho.Juma Kaseja, Shomari Kapombe, Aggrey Morris, Juma Nyoso, Idrisa Rajab, Shabani Nditi, Henry Joseph, Abdi Kassim, Nizar Khalfan, Mrisho Ngassa na Mbwana Samata. Stars imekuja hapa na kikosi cha wachezaji 21 ambacho kitarejea nyumbani siku moja baada ya mechi kwa ndege ya Ethiopian Airlines kwa kupitia Addis Ababa, Ethiopia. Timu itawasili Novemba 13 mwaka huu saa 7.25 mchana na kwenda moja kwa moja kambini. Kikosi hicho kinatarajiwa kupambana Chad kesho katika Uwanja wa Idriss Mahamat Ouya.Wachezaji wote wako katika hali nzuri isipokuwa beki Erasto Nyoni ambaye ameamka leo asubuhi akiwa na malaria. Waamuzi wote wanatoka Nigeria. Mwamuzi wa kati atakuwa Bunmi Ogunkolade wakati wasaidizi ni Tunde Abidoye na Abel Baba. Kamishna wa mechi ni Hamid Haddadj kutoka Algeria.