MESSI ABAKISHA MABAO 34 KUFIKIA REKODI YA CESAR.

MSHAMBULIAJI wa Barcelona Lionel Messi amebakisha mabao 34 tu ili awe mfungaji aliyefunga mabao mengi zaidi kwa timu hiyo baada ya kushinda Hat-Trick katika mchezo wa Ligi ya Mabingwa Ulaya uliochezwa Jumanne usiku, na swali pekee linalokuja ni lini atakamilisha ndoto yake hiyo kwakuwa uwezo huo anao. Mchezaji huyo bora wa Dunia wa mwaka ameshafunga mabao 202 katika michezo 286 aliyocheza na timu hiyo ukiwemo mchezo wa jana ambapo timu yake iliibuka na ushindi wa mabao 4-0 na kutinga katika hatua ya mtoano wa timu 16 bora.

Cesar Rodrigez

“Messi atavunja rekodi ya Cesar Rodrigez na kuwa mfungaji bora wa klabu aliyepata kutokea, tayari naamini atalifanya hilo na sitajitoa katika hilo kwakuwa atalikamilisha mwaka huu. Na ndio kwanza ana miaka 24.”alisema kocha wa Barcelona Pep Guardiola kwa waandishi wa habari. Cesar ambaye alikuwa mshambuliaji wa zamani kutoka Hispania ndiye anayeshikilia rekodi ya kuwa na mabo mengi zaidi kwa timu hiyo akiwa amepachika mabao 235 kati ya mwaka 1942-1955.