SUDAN KUJIPIMA NA AL-JAISH.

TIMU ya Taifa ya Sudan inatarajiwa kucheza mchezo wake kwanza kirafiki na timu ya Al-Jaish katika kambi waliyoweka katika jiji la Doha, Qatar. Sudan wako nchini humo kwa ajili ya maandalizi ya michuano ya Kombe la Mataifa ya Afrika iliyoandaliwa kwa pamoja na Gabon na Equatorial Guinea itakayoanza kutimua vumbi kuanzia Januari 21 mwaka huu. Kamati ya Ufundi ya Sudan ilijaribu kuomba mchezo wa kirafiki na timu ya taifa ya Qatar lakini juhudi zao hizo ziligonga mwamba kutoka ligi ya nchi hiyo kuwa inaendelea huku timu hiyo ikikabiliwa na mchezo dhidi ya Jordan. Kocha wa Sudan Mohamed Abdullah amesema anauchukulia mchezo na klabu hiyo kwa umuhimu mkubwa haswa ikizingatiwa timu hiyo kuwa na wachezaji mahiri kutoka Brazil kama Adriano na Chamosa ambao watafanya mchezo huo kuwa mgumu na wa kuvutia.