AMR ZAKI APATA OFA YA KUJIUNGA NA MISR ELMQASAH.

MSHAMBULIAJI wa Zamalek Amr Zaki amepata mwaliko wa kujiunga na klabu ya Misr Elmqasah katika msimu wa pili wa Ligi Kuu ya Misri mkataba ambao utakuwa ni wa miezi sita. Akihojiwa kocha mkuu wa Elmqasah Tarek Yehia amesema kuwa anaamini mchezaji huyo atajiunga katika kikosi chake kwakuwa ni mchezaji mzuri na anamuhitaji katika msimu wa pili wa ligi hiyo. Zaki hataitumikia klabu yake ya Zamalek kwa kipindi kirefu cha msimu wa kwanza kutokana na mgogoro wa mshahara lakini klabu hiyo imedai imeshalimaliza tatizo hilo. Mchezaji huyo alijiunga na Zamalek mwaka 2006 ambapo pia alishawahi kuchezea vilabu kadhaa nchini Uingereza zikiwemo Wigan Athletic mwaka 2009 na Hull City 2010.