FIFA KUCHUNGUZA MATOKEO YA BAHRAIN NA INDONESIA.

SHIRIKISHO la Soka Duniani-FIFA linatarajia kufanya mahojiano na mwamuzi pamoja na wachezaji wa mchezo ambao Bahrain ilipata ushindi usio wa kawaida wa mabao 10-0 dhidi ya Indonesia mchezo ambao ulikuwa ni wa kutafuta tiketi ya kucheza michuano ya Kombe la Dunia 2014. Katika taarifa iliyotolewa na Shirikisho hilo imesema kuwa inatoa kipaumbele kuanza uchunguzi kuhusiana na suala hili kutokana na mgawanyiko wa maofisa usalama wa Jordan na Malaysia. Katika mchezo huo mwamuzi Andre El Haddad kutoka Lebanon alimpa kadi nyekundu golikipa wa Indonesia dakika ya pili ya mchezo na kuwazawadia penati nne timu ya Bahrain. Ushindi ulizua mjadala kwasababu Bahrain walikuwa nyuma ya Qatar kwa alama tatu na magoli tisa katika msimamo wa kundi lao ambapo Qatar ilitoa sare ya mabao 2-2 na Iran na kufanikiwa kusonga mbele.