NAPOLI YATUMA SALAMU KWA CHELSEA.

TIMU ya Napoli ya Italia imetuma salamu kwa klabu ya Chelsea baada ya kupata ushindi wake wa sita mfululizo kwa kuigaragaza Cagliari mabao 6-3 katika mchezo wa Ligi Kuu nchini Italia uliopigwa jana. Timu ambayo amewahi kuichezea nguli wa zamani wa soka Diego Maradona ushindi huo utakuwa umewaweka vizuri kuelekea katika mchezo wa marudiano dhidi ya Chelsea wa Kombe la Klabu Bingwa Ulaya. Marek Hamsik, Paolo Cannavaro, Ezequiel Lavezzi, Walter Gargano na Christian Maggio kila mmoja aliifungia bao Napoli, ambayo pia ilinufaika na bao la wapinzani wao kujifunga, kupitia kwa Davide Astori. Napoli sasa inashikana na Udinese katika nafasi ya nne, wakizidiwa point inane na vinara wa Serie A, AC Milan, ambao leo wanaikaribisha Lecce. Inter imepanda hadi nafasi ya sita ikizidiwa pointi 14.