GYAN MGUU NJE MGUU NDANI UARABUNI.

MSHAMBULIAJI wa klabu ya Al Ain ya Umoja wa Falme za Kiarabu-UAE, Asamoah Gyan amekiri kuwa vilabu mbalimbali vimeonyesha kumuhitaji na kwamba anaweza kucheza popote ifikapo mwishoni mwa msimu huu. Al Ain mapema hivi karibuni ilionyesha nia kumnunua mchezaji huyo ambaye anaichezea klabu hiyo kwa mkopo akitokea Sunderland ya Uingereza wakati mkataba wake wa mkopo utakapomalizika mwishoni mwa msimu huu. Hatahivyo wakati akihojiwa hivi karibuni juu mustakari wake huko mbele na klabu hiyo Gyan amesema kuwa hana uhakika kama ataendelea kuwepo katika klabu hiyo msimu ujao kwani anaweza kwenda popote na yuko tayari kuondoka sehemu yoyote atakapojisikia yupo huru. Kauli hiyo inakuwa inapisha na aliyoitoa katika kipindi cha nyuma kuwa anafuraha ya kuwepo UAE kwa asilimia mia moja na hajafikiria suala la kuondoka huko. Gyan ameisaidia Al Ain kushinda taji la Ligi Kuu ya UAE maarufu kama Pro-League ambapo kwasasa anaongoza kwa mabao mengi akiwa amefunga 19.