DIOUF AENDA LEEDS.

MSHAMBULIAJI wa zamani wa kimataifa wa Senegal, El Hadji Diouf amekamilisha usajili wake katika klabu ya Leeds United inayoshiriki katika Ligi daraja la pili nchini Uingereza. Diouf mwenye umri wa miaka 31 ambaye pia amewahi kukipiga katika klabu za Liverpool na Bolton aliondoka katika klabu ya Doncaster Rovers kama mchezaji huru baada ya kuitumikia klabu hiyo kwa msimu mmoja. Nyota huyo ambaye amewahi kunyakuwa tuzo ya mchezaji bora wa Afrika mara mbili anakabiliwa na adhabu ya kufungiwa miaka mitano kujishughulisha na shughuli zozote za michezo nchini humo baada ya kuwatukana na viongozi wa Shirikisho la Soka la nchi hiyo. Hata hivyo shirikisho hilo lilimwalika mchezaji huyo kuisindikiza timu ya wachezaji chini ya miaka 23 katika michuano ya olimpiki iliyomalizika jijini London juzi.