DREAM TEAM YATINGA FAINALI OLIMPIKI KWA KISHINDO.

James Lebron.

TIMU ya taifa ya mchezo wa kikapu ya Marekani maarufu kama Dream Team inatarajiwa kukutana na Hispania katika mchezo wa fainali ya michuano ya olimpiki ambayo itachezwa baadae leo. Marekani walitinga katika hatua hiyo baada ya kufanikiwa kuisambaratisha Argentina kwa vikapu 109-83 wakati Hispania wenyewe ilibidi wafanye kazi ya ziada wakitokea nyuma na kufanikiwa kuifunga Urusi kwa vikapu 75-70 kwenye mchezo wa nusu fainali. Argentina walionekana kupata tabu kuwazuia nyota wa Marekani ambao wanacheza katika ligi ya NBA hivyo kuwapa nafasi kufanya wanavyotaka na kuongoza katika robo zote nne za mchezo huo. Fainali ya Marekani na Hispania itakuwa kama marudio ya fainali ya michuano hiyo mwaka 2008 jijini Beijing ambayo Marekani waliwafunga Hipania kwa 108-107 na kunyakuwa medali ya dhahabu. Urusi na Argentina ndizo zitatangulia kucheza mchezo wa kutafuta mshindi wa medali shaba kabla ya mchezo wa fainali.