FEDERER KUVAANA NA DJOKOVIC KATIKA FAINALI YA CINCINNATI OPEN.

WACHEZA tenisi nyota, Roger Federer kutoka Switzerland na Novak Djokovic wa Serbia wanatarajiwa kukutana katika mchezo wa fainali ya michuano ya wazi ya Cincinnati unaotarajiwa kufanyika baadae leo. Wachezaji hao wanaokamata nafasi mbili za juu kwa ubora wa mchezo huo kwa upande wa wanaume duniani wote walifanikiwa kushinda michezo yao ya nusu fainali wakiwafunga wapinzani wao kwa seti mbili bila ya majibu. Federer ambaye anashika namba moja katika orodha hizo alifanikiwa kutinga hatua hiyo baada ya kumfunga raia mwenzake wa Switzerland Stanislas Wawrinka kwa 7-5 6-3 wakati Djokovic alimfunga kirahisi Juan Martin Del Porto wa Argentina kwa 6-3 6-2. Katika mchezo huo Del Porto ambaye alikuwa na majeraha hakuweza kufikia kiwango alichokionyesha katika michuano ya Olimpiki ambapo alinyakuwa medali ya fedha kwa kumfunga Djokovic.