MARADONA KUFUNDISHA SOKA CHINA.

NGULI wa soka wa zamani wa Argentina, Diego Maradona ameonyesha nia ya kutaka kufundisha soka nchini China sehemu ambayo vilabu vya huko vimekuwa vikitumia pesa nyingi kusajili wachezaji nyota wa kimataifa. Maradona ambaye ana umri wa miaka 51 aliwasili jijini Beijing mapema wiki hii kwa ziara ya siku nane ambapo gazeti moja nchini humo lilimkariri akisema kuwa anatamani kama angechangia maendeleo ya soka la vijana nchini humo. Klabu ya Al Wasl ya Umoja wa Falme za Kiarabu-UAE ilisitisha mkataba na Maradona hivi karibuni kutokana na mwenendo mbovu wa klabu hiyo. Katika ziara hiyo nchini humo Maradona amepanga kukutana na Rais wa Chama cha Soka cha nchi hiyo Wei Di.