WACHEZAJI UINGEREZA WASHINDWE WENYEWE - GERRARD.

Kiungo wa kimataifa wa Uingereza, STEVEN GERRARD amesema kuwa wachezaji wa nchi hiyo hawana kisingizio tena kama wakishindwa kufanya vizuri kufuatia kufunguliwa kwa kituo kipya cha michezo cha St George Park. 
Kituo hicho kinachomilikiwa na Chama cha Soka cha nchi hiyo ambacho kimegharimu kiasi cha paundi milioni 105 kitakuwa kikihudumia timu zaidi ya 24 za nchi hiyo kuanzia za watoto mpaka watu wazima. Akihojiwa wakati wa ufunguzi wa kituo hicho GERRARD amesema kuwa wamepata bahati ya kuwa na uwanja bora duniani na sasa wamepata sehemu bora ya kufanya wachezaji kupata maandalizi mazuri hivyo hawatakuwa na sababu tena ya kutoing’arisha nchi hiyo kimataifa. Kituo hicho kilizinduliwa rasmi na wajukuu wa malkia ELIZABETH wa pili, PRINCE WILLIAM na mkewe KATE MIDDLETON jana.