CAF CHAMPIONS LEAGUE: ESPERANCE YAONDOKA NA SARE MISRI.

WENYEJI Al Ahly ilibidi wapambane kufa na kupona kuhakikisha wanapata suluhu ya ba0 1-1 dhidi ya mabigwa watetezi wa Esperance katika fainali ya kwanza ya Ligi ya Mabingwa barani Afrika iliyochezwa jana. Esperance walikuwa wakitafuta ushindi wa ugenini katika mchezo huo uliochezwa jijini Alexandria kabla ya Al Ahly ambao ni mabingwa mara sita wa michuano hiyo kupambana na kupata sare hiyo zikiwa zimebakia dakika mbili kabla ya mpira kumalizika. Katika mchezo huo Esperance ndio walitangulia kuliona lango la wenyeji wao katika dakika ya 49 lililofungwa huku bao la wenyeji likifungwa na El Sayed Hamdi katika dakika 88 ya mchezo huo. Fainali ya pili ya michuano hiyo itachezwa jijini Tunis November 17 mwaka huu ambapo wenyeji watawakosa nyota wao Harrison Afful na Sameh Derbali ambao wote wawili walipata kadi mbili za njano hivyo kuukosa mchezo huo muhimu.