MOURINHO AIFAGILIA DORTMUND.

MENEJA wa Real Madrid Jose Mourinho anadhani kuwa mabingwa wa soka nchini Ujerumani Borussia Dortmund ndiyo timu yenye uwezo wa kushinda taji la Ligi ya Mabingwa Ulaya wakati ambapo timu hizo zinatarajiwa kukutana baade leo katika mchezo wa kundi D. Mourinho mwenye umri wa miaka 49 ambaye amewahi kunyakuwa taji hilo akiwa na Porto mwaka 2004 na baade Inter Milan 2010 aliwamwagia sifa wapinzan wao hao kwamba ni timu bora na kama wakitinga mzunguko wa pili wa michuano hiyo watakuwa na nafasi kubwa ya kunyakuwa taji hilo. Kocha huyo alindelea kusema kuwa Dortmund wameonyesha kiwango cha kuvutia msimu huu huku wachezaji wake wakionyesha njaa ya wazi ya kupata mafanikio kitu ambacho kimekuwa hakiwakatishi tama hata wanapokuwa wametangulia kufungwa katika mchezo hivyo wakiendelea hivyo hakuna shaka watafika mbali katika michuano hiyo. Mourinho ambaye ameweka wazi kuwa angependa kurejea Uingereza mara atapomaliza mkataba wake na Madrid pia alikanusha taarifa kuwa amefanya mazungumzo ya kwenda kuinoa klabu ya Paris-Saint Germain ya Ufaransa ambayo katika kipindi karibuni imekuwa ikitumia fedha nyingi kufanya usajili.