PARDEW ATAKA KUMREJESHA CARROLL NEWCASTLE.

MENEJA wa klabu ya Newcastle United Alan Pardew anatarajia kumsajili tena Andy Carroll wakati mshambuliaji nyota wake huyo wa zamani atapomaliza kucheza kwa mkopo kutoka kwa mahasimu wao wa ligi kuu West Ham United. Carroll aliondoka Newcastle kwenda Liverpool kwa kitita kikubwa cha paundi milioni 35 Januari mwaka jana lakini ameshindwa kupata namba katika kikosi cha Brendan Rodgers toka alipopewa mikoba ya kuinoa Liverpool. Rodgers amesema kuwa mchezaji haendani na mfumo wa pasi fupi anaotumia hivyo kuamua kumruhusu kwenda kwa mkopo katika klabu ya West Ham huku Newcastle nao wakionyesha nia na kumrejesha nyota wao. Washambuliaji wa kimataifa wa Senegal Demba Ban a Papiss Cisse wamekuwa waking’aa katika nafasi hiyo katika misimu miwili iliyopita lakini Pardew bado anapenda kuwaona Caroll na kiungo wa zamani wa klabu hiyo ambaye naye pia anacheza West Ham wakirejea kundini.