BAADA YA MUELLER, WHO'S NEXT.

MSHAMBULIAJI nyota wa Barcelona, Lionel Messi amefanikiwa kuweka rekodi nyingine Jumapili baada ya kufikisha mabao 86 kwa mwaka huu na kuipita rekodi ya mabao 85 iliyowekwa na Gerd Mueller miaka 40 iliyopita. Messi mwenye umri wa miaka 25 alifanikiwa kufikia rekodi hiyo baada ya kuifungia timu yake bao la kuongoza katika dakika ya 16 katika mchezo wa La Liga dhidi ya Real Betis kabla ya kuongeza lingine dakika tisa baadae na kuifanya Barcelona kuibuka na ushindi wa mabao 2-0 katika mchezo huo wa jana usiku. Akihojiwa mara baada ya mchezo huo Messi kama asemavyo siku zote aliwashukuru wachezaji wenzake kwani wana mchango mkubwa katika mafanikio yake na bila wao yeye asingefikia hapo alipo hivi sasa. Messi ambaye anapewa nafasi kubwa ya kunyakuwa tuzo ya mchezaji bora wa dunia wakati itakapotangazwa mwezi ujao amefungamabao 74 kwa timu ya Barcelona na mabao mengine 12 kwa timu ya taifa ya Argentina kwa mwaka huu na kumpita Mueller aliyeweka rekodi hiyo mwaka 1972. Enzi zake Muelller alifunga mabao 72 kwa klabu ya Bayern Munich ambayo alikuwa akichezea na mengine 13 kwa timu yake ya taifa ya Ujerumani na kufikisha jumla ya mabao 85.