FABREGAS NJE WIKI TATU.

KIUNGO wa klabu ya Barcelona, Cesc Fabregas anatarajiwa kukaa nje ya uwanja kwa kipindi cha wiki tatu baada ya kuumia msuli wa paja mapema katika mchezo wa La Liga Jumapili dhidi ya Real Betis ambao walishinda mabao 2-0. Kiungo huyo wa kimataifa wa Hispania ambaye amekuwa katika kizuri katika wiki za hivi karibuni nafasi yake ilichukuliwa na Alexis Sanchez baada ya kutolewa katika dakika ya tisa ya mchezo huo. Kwa maana hiyo nyota huyo atakosa michezo mitatu iiyobakiza klabu hiyo mwaka huu ukiwemo mchezo dhidi ya Atletico Madrid, Real Villadolid na mchezo wa Kombe la Mfalme dhidi ya timu ya daraja la pili ya Cordoba. Fabregas pia atakosa mchezo dhidi ya Espanyol utakaochezwa Januari 6 mwakani na mchezo wa marudiano wa Kombe la Mfalme utakaochezwa siku tatu baadae.