FABREGAS ATAREJEA ARSENAL - WENGER.

MENEJA wa klabu ya Arsenal, Arsene Wenger anatumaini kuwa kiungo wa Barcelona Cesc Fabregas atarejea tena katika klabu hiyo katika siku za mbeleni. Kiungo huyo wa kimataifa wa Hispania alicheza mechi 303 katika miaka nane aliyochezea Arsenal kabla ya kurejea katika klabu yake ya utotoni Barcelona katika kipindi cha majira ya kiangazi mwaka 2011. Lakini Wenger amesema Fabregas ambaye hupenda kutizama kila mchezo wa timu yake hiyo ya zamani anamtabiria anaweza kurejea katika Uwanja wa Emirates kabla ya kuamua kutundika daruga. Kocha huyo raia wa Ufaransa aliendelea kusema kuwa Fabregas ni mchezaji kiwango cha juu na ana imani kuwa ipo siku atarejea tena Arsenal kwakuwa anaipenda klabu hiyo.