FERGUSON ALALAMIKIA RATIBA ZA LUNINGA.

MENEJA wa klabu ya Manchester United, Sir Alex Ferguson amedai kuwa ratiba za luninga inaathiri kikosi chake nafasi ya kupata mafanikio barani Ulaya. United inatarajiwa kucheza na Everton kesho Jumapili huku wakikabiliwa na mchezaji wa Ligi ya Mabingwa Ulaya dhidi ya Real Madrid Jumatano. Ferguson amesema Ligi Kuu nchini Uingereza imeingia mkataba na luninga kwa ajili ya kuonyesha mechi za moja kwa moja na wamekuwa wakitawala lakini hawazipi timu nafasi ya kupata mafanikio Ulaya kutokana na ratiba zao zilizobana. Kocha huyo mwenye umri wa miaka 71 aliendelea ni kusema kuwa ni upuuzi kufikiri unatakiwa kucheza Jumapili wakati wapinzani wao Madrid watakuwa na siku moja zaidi ya kupumzika baada ya kucheza mchezo wao wa La Liga Jumamosi. Mechi ya United na Everton imechaguliwa kuonyeshwa moja kwa moja na luninga ya Sky na kulikuwa na uwezekano wa mechi hiyo kuchezwa Jumamosi mchana kama ratiba yao ya kuchezwa na Madrid ingwekwa siku ya Jumanne.