ROSSEL AMPANDISHA PRESHA MOURINHO.

RAIS wa klabu ya Barcelona, Sandro Rosell amedokeza kuwa ana nia ya kusajili mchezaji mmoja kutoka kwa mahasimu wao Real Madrid. Klabu hizo mbili ni mahasimu nchini Hispania na sio mara nyingi wachezaji wanaweza kucheza katika mojawapo ya klabu na baadae kuhamia klabu nyingine ingawa kuna baaadhi ya wachezaji kama Luis Figo wa Ureno, Ronaldo na Michael Laudrup wamewahi kufanya hivyo. Ingawa alikataa kuweka wazi ni mchezaji yupi anayemtaka kutoka katika kikosi cha Jose Mourinho lakini Rossel akiri kuwa yupo mchezaji mmoja wa Madrid ambaye amekuwa akitaka kumsajili kwa kipindi kirefu. Rossel aliyakwepa maswali ya waandishi waliokuwa wakimdodosa kutaka kumjua mchezaji huyo na kuwaambia kuwa hawezi kumtaja kwakuwa inaweza kuleta uhasama.