MARADONA APATA MTOTO WA KIUME.

MCHUMBA wa mwanasoka nguli wa soka wa zamani Diego Maradona, Victoria Ojeda amejifungua mtoto wa kiume aliyemwita Diego Fernando na sasa nyota huyo wa zamani anatarajiwa kurejea mji wa nyumbani kwao Buenos Aires nchini Argentina ili kumuona mwanae. Daktari wa siku nyingi wa Maradona, Alfredo Cahe aliwaambia waandishi wa habari mara baada ya Ojeda kujifungua kuwa mtoto huyo anafanana na baba yake kila kitu kuanzia kichwa mpaka nywele nyingi kichwani. Maradona mwenye umri wa miaka 52 kwasasa anafanya kazi jijini Dubai na wakili wa wa Ojeda aitwaye Jorge Auruccio amesema hana uhakika kama kama nguli huyo atasafiri kurejea nyumbani kumuona mwanae ambaye amezaliwa akiwa na uzito wa kilo 3.2. Kipindi cha mimba kuliibuka hisia kali mpaka kupelekea kubadilishana maneno makali katika mitandao ya kijamii kati ya Ojeda mwenye umri wa miaka 35 na mke wa zamani wa Maradona, Claudia Villafane na mabinti zake Dalma na Giannina. Maradona ambaye anahesabika kama mmoja wa wacheza soka waliokuwa na kipaji zaidi katika historia ya mchezo huo kwasasa anafanya kazi kama balozi wa heshima huko Dubai nafasi alipewa Septemba mwaka jana baada ya kutimuliwa kibarua cha kuinoa klabu ya Al Wasl ya Muungano wa Falme za Kiarabu-UAE.